سەرۆک سریلانکا وەرەو دورگەیل ماڵدیف واێد
2022-07-13T07:47:04+00:00
شەفەق نیوز/ سەرۆک سریلانكا "گۆتابایا ڕاجاپاکسای" لە دویای ئەو خوەینشاندان و نارەزاییەیل هاوڵاتیەیل وڵاتەگەی وە فرۆکەیگ سەربازی وەرەو دورگەیل ماڵدیف وایە.
وەپای ئەوەگ ئاژانس فرانس پرێس بڵاویکردیە، گۆتابایا ڕاجاپاکسای تەمەن 73 ساڵ، وەگەرد ژنەگەی و دوو لە پاسەوانەیلی وە فرۆکەیگ لە جویر ئەنتۆنۆڤ 32 لە فڕۆکەخانەی سەرەکی وڵاتەگەی وەرەو دوورگەیل ماڵدیڤ واینە.
ئاشکەرایکردیە فرۆکەی سەرۆک سریلانکا ئەرا ساعاتیگ چەوەڕی ریوەپیدان دەسڵات فرۆکەوانی ماڵدیڤ بویە لەدویای ئەوە دەسوە فڕین کردیە.
جی باسە لە رووژ شەممەی گوزەشتە لە دویای ئەوەی هەزاران خۆپیشاندەر هەڵکوتانە شوین نیشتەجیبوین فەرمی سەرۆک سریلانکا لە کۆلۆمبۆی پایتەخت، ناوبریاگ ئەرا ئەو دورگە هەڵات.
