زياتر له 1200 كه‌س له ئه‌مريكا وه كۆرۆنا مردن و تره‌مپيش باس"نيشانه‌ى خاس"كرد
2020-04-06T09:07:12+00:00
شه‌فه‌ق نيوز/ زياتر له 1200 كه‌س له وڵاته‌يل يه‌كگرتگ له‌ئه‌نجام تويشهاتنيان وه ڤايرۆس كۆرۆناى تازه له ماوه‌ى 24 سه‌عات گوزه‌يشت گيان له‌ده‌سدان، ئه‌ويش وه گووره‌ى ئه‌و ئاماره ك له‌لايه‌ن زانكۆى جونز هۆبكنز ئه‌مريكيه‌و ئاشكرا كريا.
وه‌گووره‌ى ئامار زانكۆى ناوبرياى، تائيسه 337072 حاڵه‌ت تويشهاتن وه ڤايرۆس كۆرۆنا تۆمار كرياگه وه‌ل 9633 حاڵه‌ت مردن.
جى باسه، دۆناڵد تره‌مپ سه‌رۆك ئه‌مريكا ئه‌را رووژنامه‌نويسه‌يل له ئاماژه‌يگ ئه‌را كه‌مه‌وبوين شماره‌ى حاڵه‌ته‌يل مردن له ولايه‌ت نيويۆرك وت: شايه‌ت ئى كه‌مه‌وبوينه نيشانه‌ى خاسيگ بدێ و خه‌ريكه له كووتايى تونێله‌گه چه‌ومان ئه‌كه‌فێده رووشنايى.
