زنجیرە زەویلەرزەیگ دەێد لە ئەندنۆسیا و روسیا و مەکسیک

ناوەند زەویلەرزەی ئەوروپای ناوڕاس خەوەردا لە توومارکردن زەویلەرزیگ ک وە توونی 5.7 پلە لەبان پەیمانەی رێختر رویدایە لە نزیک کناراوەیل ئەندنۆسیا وتیش،" سەنتەر لەرزەگە لە قویلی 47کم و لە دویری 88کم لە باشوور خوەرهەڵات شار باندانج رویدایە.

لەرزەگە لە نزیک ساعەت 23.05 وەپای وەخت جەهانی بویە.

هەمیش دەسەی جیوفیزیایی سەر وە ئەکادیمیای روسیا، ئمڕوو پەنجشەممە، خەوەردا لە توومارکردن زەویلەرزەیگ وە تونی 5 پلە لەبان پەیمانەی رێختەر لەناو ئاو زەریای هێمن لە نزیک دورگەی کورێل لە روسیا.

یلینا سیمینوفا سەرۆک چەوردێری شوین زەویلەرزەگە وە ئاژانس "سبوتنیک" راگەیانیە" زەویلەرزەیگ لە شەوەکی ئمڕوو پەنجشەممە ساعەت 6:29 وەپای وەخت ناوخوەیی خوەیان رویدایە.

زانیاری نەدریایە لەبان ئەو زەرد و قوربانیەیلە ک لە ئەنجام زەویلەرزەگە بویە.

زەویلەرزەیگیش، شەوەکی ئمڕوو، وە تونی  6.2 پلە لەبان پەیمانەی رێختەر لە مەکسیک رویدا.

ماڵپەر "فولکانو دیسکفری" راگەیان"  سەنتەر زەویلەرزەگە لە دویری 26کم لە باکوور خوەرئاوای شار ئاریاجا بویە لە ولایەت تشیاباس، لە قویلی 10کم".