زریان "ياگی" 24 کەس لە ڤێتنام کوشێد و پیەڵیگ رمنێد
شەفەق نیوز/ زریان ئاگی کە رەی وەرەو ڤێتنام کرد، ٢٤ کەس کوشت و نزیکەی ٣٠٠ کەسیش زەخمدار کرد، وەگەرد رمیان زەوی و لافاو کە پیەڵیگ لە باکوور وڵاتەگە رمان.
حکومەت ڤێتنام، ئمڕوو دووشەممە، وت: ٢٤ کەس لەلای کەمەو گیانیان لەدەسدانە و ٢٩٩ کەسیش زەخمدار بوین لە ماوەی ئی دوو رووژ گوزەشتە، لە ئەنجام رەسین زریان یاگی.
یاگی قایمترین زریانە لە ئاسیا لەی ساڵە کە رووژ شەممە رەسیە کەناراوەیل باکوور خوەرهەڵات وڵاتەگە.
حکومەت ڤێتنام لە بەیاننامەیگ وت: زریانەگە کارەبا و پەیوەندی لە چەن بەشیگ لە وڵاتەگە بڕیە.
ئاژانس کەشناسی ئمڕوو هوشداری لە لافاوەیلیگ زیاتر و رمیان زەوی کرد.
لە راپۆرتیگ دیاری کرد کە لافاو و رمیان زیان وە ژینگە و ژیان مەردم رەسنێد.
وەرپرسیگ لە وڵاتەگە و میدیایل راگەیانن وتن: پیەڵیگ لە ناوچەی فو تو لە ڤێتنام لەوەر لافاوەیل رمیا، ئەوەیش لە ئەنجام وارانەیل زریان یاگی.
