زریانیگ ویرانکەر دەێد لە وڵات چین.. وینە
2024-04-28T10:56:13+00:00
شەفەق نیوز/ وەگورەی میدیا فەرمییەیل، گەردەلویلیگ شار گوانگژۆی باشوور چین گردیەسەو، و پەنج کەس گیانیان لەدەسدانە و زیاتر لە 140 باڵەخانە زیان وەپییان رەسیە.
کەشناسی چین راگەیان کە زریانەگە لە نزیکەی ساعەت 3ی دویاینیمەڕو رەسیەسە ناوچەی بایون لە گوانگژۆ کە شاریگ فراوان و ناوەندیگ پیشەسازییە لە نزیک هۆنگ کۆنگ.
ئاژانس هەواڵ چینی فەرمی بڵاو کرد کە دەسەڵاتدارەیل وتنە: 33 کەس ترەک زەخمدار بوینە و 141 بینای کارگەیلیچ زیان وەپییان رەسیە.
هووشداری زریان ئەرا ناوچەیل ترەک گوانگژۆ دەرچگە و خەوەریش رەسیە کە دویاینیمەڕو دیریگ هەمیش زریان دویەم ناوچەیگ ترەک لە شارەگە بویە.
وەرجەیە زریانیگ لە مانگ ئەیلول ساڵی ساڵ گوزەشتە داد لەو وڵاتە و 10 کەس لە پارێزگای جیانگسو لە خوەرهەڵات چین گیانیان لەدەسدان.
