زریان میلتون چاڵەیل قویلیگ لە کالیفۆڕنیا وەجی هیلێد.. وینە
شەفەق نیوز/ زریان "ميلتون" دەیان گەردەلویل و وارانەیل رفت گەورەیگ لە ویلایەت فلۆریدای ئەمریکا دروس کرد، وەلێ وەگەرد ئەوەیش چاڵەیل گەورەیگ و رمیان زەوی لەلی بویەو.
ئاگاداری لە دروسبوین چاڵەیل گەورەیگ لە کەرتەیل بولک و هیبزبورو توومار کریا، کە دەسەڵاتەیل هوشداری مەردمەگە کردن کە لە پشت زریانەگە لە ئامادەباشی بوون، کە هاتێ چاڵەیلیگ وە ناکاوەو فراوانەو بوون.
نویسنگەی کویخای ناوچەی هیلزبورو بڵاوی کرد، نشان لویلەیلیح و بەشیگ لە کەنار رییگ نشان دان، کە کەفتنەسە ناو چاڵ کەورەیگ باشوور خوەرهەڵات تامبا.
نویسنگەی پولیس ئاگاداری لە هویچ زەرەدیگ لە ماڵەیل توومار نەکرد، و ریەگە بڕیا.
یەکیگ لە دانیشتگەیل وت: لەناو گەڕەکیان گیر هاتن، و ناچار بوین وەرەو خواریەگە بکەفنە ری، و چاڵیگ ترەک لە کەرت بولک پەیا بوی، کە کەفتیەسە ناوەین دوو ماڵ لە لاکلاند و زیفرهێڵز.
یەکیگ لە خاوەن ماڵەیل لە تامبا وت: سەگەگەیان وە پاسکردن لەخەو ئاگاداریان کرد، هەناێ باخچەی ماڵیان لە ساعەتەیل شەو دەسکردە رمیان، و ماشینیگ و بەشیگ لە گەراج ماڵەگە قویتا دا، و کەسیگ زەخمدار نەکرد.
ناوچەی فلۆریدای ناوڕاس لەلایەو ئی رویداوەیلە باوە، کە هەمیشە وەپی ئویشن پایتەخت چاڵ لە ئەمریکا.
