زریان "میلتۆن" دەێد لە فلۆریدا

شەفەق نیوز/ ناوەن نیشتیمانی زریانەیلە لە وڵاتە یەکگرتگەیل ئەمریکا  (NHC)، شەوەکی ئمڕوو پەنجشەممە، راگەیان زریان "ملیتۆن دایەس لە ناوڕاس ویلایەت فلۆریدا، زریانەگە لە جویر سێیەم دانرێد.

ناوەندەگە لە بەیاننامەیگ راگەیان،  زریان "ملیتۆن" مەترسیەگەی بەرزە لە جویر سێیەمە، دایەس نزیک ناوچەی سیستاکی لە فلۆریدا، زریانەگە مەترسیدارە هەڕەشە لەبان زندگی کەێد و وای تونیگ و لافاو لەناوکاوی دایەس لە نیمچە دورگەی فلۆریدای ناوڕاس".

وتیش، تونی وا لەوەخت زریانەگە رەسێدە 120 میل لە ساعەتیگ.

دەسڵاتدارەیل فلۆریدا لە 6 ئۆکتۆبەر حالەتیگ دەسوەجی راگەیان لە دەیان ناوچەی ویلایەتەگە لەوەر نزیک بوین زریان "میلتۆن".