زریان سەختیگ دەێد لە سێ دەوڵەت ئەوروپا
شەفەق نیوز/ ئێرلەندا و بەریتانیا و فەڕەنسا کەفتنە ژاوەژاو، لە ئەنجام زریانیگ زمسانی سەختیگ وەگەرد وای تون و واران رفت و وەفر خەس، کە لەلای کەمەو کەسیگ گیانی لەدەسدا، و ریوبانەیل و کارەبا بڕیا.
پولیس هامبشايەر وت: پیاییگ گیانی لەدەسدا دویای ئەوەگ داریگ کەفتە بان ماشینەگەی لەبان رییگ سەرەکی نزیک شار وينشستەر بەریتانیا.
پولیس لێکۆڵینەوە لە مردن کەسیگ ترەک کورد وە رویداویگ هاتوچو تا بزانن ئایا رویداوەگە پەیوەندی وە زریانەگەو دیرێد.
تووڕ کارەبای نیشتمانی بەریتانیا گلەوداین کارەبا ئەرا ماڵەیل فرەیگ راگەیان، وەلێ زیاتر لە ٤ هەزار ماڵ تا شەو شەممە وەبی کارەبا مەننە.
کارەبا لە ئێرلەندا لە نزیکەی ٦٠ هەزار ماڵ بڕیا لەوەر وای تون.
لە فەرەنسا نزیکەی ٤٧ هەزار ماڵ وەبی کارەبا مەنن لەئەنجام زریان "كايتانو" کە لە رووژ پەنجشەممە داد لە وڵاتەگە.
زریانەگە شیواشیو گەورەیگ خسهە ناو کۆمپانیایل گواستنەوە، کە کۆمپانیای ئێف دی ئێس کاروانەیل ناوەین ئینگلتەرا و فەرەنسا تا رووژ دووشەممە وسان.
کۆمپانیای "ئەڤانتي ويست كۆست" تەمەی کرد تارتک باکوور شار بریستون ڕەی نەکەن چوینکە قەتارەیل لەکار وسیانە.
