زانایەیل بەریتانیا نیشانەی ئاڵشتبۊ نوویگ کۆرۆنا ئاشکەرا کەن

 شەفەق نیوز/ (XE) ناو نووترین ئاڵشتبۊ ڤایرۆس كۆرۆنایە، لە بەریتانیا و هندستان پەیابۊیە و زانا و پسپۆڕەیلە نیشانەیلی ئاشكەرا كەن. 

وەگورەی خشتەی دەسەی خزمەتگوزاریی تەندروسیی نیشتمانیی بەریتانیا (NHS)  لەباوەت نیشانەیل كۆرۆنا بڵاویکردیە، نیشانەیل تۊشبۊن وەی ئاڵشتبۊ كۆرۆنا فرە  لە نیشانەیل هەڵامەت نزیكە و بەشیگی هاوشیوەی نیشانەیل ئاڵشتبۊیگتر كۆرۆنان. 

لەباوەت نیشانەیلە، دەسەی خزمەتگوزاریی تەندروسیی نیشتمانی بەریتانیا ئۊشێد، “بریتین لە تەو فرەیگ و تەنگەهەناسی و ژانە ماسیڵچە و شەکەتی و هێڵنجدان، وەگەرد زگچین و لەدەسدان هەردگ هەس تام و بووكردن و کپەوبۊن لۊت”. 

هاووەخت وەگەرد پەیاکردن ئاڵشتبۊ نووەگە لە بەریتانیا، یەكەم پسای تۊشبۊن وە (XE) لە هیندستان تۆماركریا.