گیچەڵ زاڕووداری دە ئێران
شەفەق نیوز/ بێ ژە پارلمان ئێران ک داین پوول و وام وەو بنەماڵەێلە ک زاڕوو نووزگێیان دیاێگە دی یا زاڕوو دوێیم و سێیم دیارن، ئێسەێش "ئاستان قودس رەزەوی" ک خاون تەولییەت ئێمام رزاسە و یەکێ لە بنکەێل مەزهەبی فرە پوولدار و خاون دەسهەڵاتە دە ئێران بانگەوازی کردگە ک وەو داڵگەێل ژێر چل ساڵانە ک سێ زاڕوو دیرن، دە شار مەشهەد، سێ شەو جی خاو وەرد غەزا وە پەتی ددەێ تا بتوانن وە پەتی دە لاتەک بان‌بارگاێ ئێمام رزا ئەڕا سێ شەو لێز بگرن و زیارەت بکەن.
نرخ باروەری دە ئێران بییەسه 1.71% ک یه یانێ باوگ و داڵگەێل ئێرانی نەدخوازن، وە بەش خوەیان، زاڕوو جی‌نشین خوەیان بکەن..
وە خاتر یە ک سن ژناشوویی دە ئێران چگەسە بان. لەێ‌لاویش بنەماڵەێلە، ئێقەرە تووش وەز و رەوش گەن ئقتسادی هاتنە ک نەدتوانن زاڕوو فرەترێ ویر و ئێوەت بکەن ئوو لەولاویش فەرهەنگ وڵاتوەندەێلە ئەڕا یە ک لە یە زاڕوو و دو زاڕوو فرەتر بداشتووبن گۆڕیاگە و وەێ خاترە گشت کارناسەێلە و بەرپرسەێلە وڕینەێ ئایەندەێ ئێران گرتگەسەیان چوون دبینن ک ئێران پەسا تووش پیرساڵی دیاێ ئوو یە خوەێ، جگەجگە "هیوا وە ژیان" و داشتن "هێز کار" دەێ کشوەرە دیارێگە خوار و یەکێ لە قەێڕانەێل بانان ئێران نەبیین نمام و نەونمامەێلەو لە یەو لاوە ئاڵنگەێل فرەتر بیین کوێخا و کەێوانووەێلە دە ئێران دیاری‌ترەو دبێ،
