زەویلەرزەی ویرانکەریگ دەێد لە بۆرما و وڵاتەیل شانی لەرزنێد

شەفق نيوز/ زەویلەرزەی تونیگ وە هاز 7.7 پلە، ئمڕوو جمعە، داد لە ناوڕاس بۆرما، وەگورەی دەسەی وەشکین جیۆلۆجی ئەمریکی.

زەویلەرزەگە لە ناوچەیگ رویدا 16 کیلۆمەتر لە وەرەو باکوور خوەرئاوای شار ساگاينگ دویرە، وەقویلی 10 کیلۆمەتر.

راپۆرتەیل کوتپڕ لە زەردەویل یا قوربانیەیل نەڕەسیە، وەلێ زەویلەرزەگە بینایەیل هاوردە لەرزە، و زیڕە خستە ناو مەردم.

وەگورەی ناوەند "جي. ئەف زەت" ئەڵمانی ئەرا زانستەیل زەوی، زەویلەرزەگە لە نزیک روی زەوی کە قویلیی رەسیەسە  10 کیلۆمەتر، و سەنتەری لە ناو زەوی مینامار بویە.

لەرزەگە رەسیە دەیشت سنوور بۆرما، کە ئاژانس زەویلەرزەناسی چین وت: مەردم ناوچەی یونان لە باشوور خوەرئاوای چین ئاگادار لە زەویلەرزەگە بوینە.

ناوەند تووڕەیل زەویلەرزەیل چینی وت: تەکان لەرزەگە رەسیە  7.9 پلە.

لەرزەگە رەسیە بانکووک پایتەخت تایلاند، کە مەردم لە ئەنجام تەکان زەویلەرزەگە رشیانە ناو جادەیل. 

 بايثونگتارن شيناواتراە خانمە سەرۆک وەزیرەیل تایلاند باس گردەوبوینیگ زویوەزوی کرد ئەرا باسکردن لە کاریگەری زەویلەرزەگە و ئامادەکاری.