زەویلەرزەیگ وەتونی ٦ پلە لە کناراوەیل فلیپین
2023-06-15T07:14:28+00:00
شەفەق نیوز/ زەویلەرزەیگ وەتونی ٦.٢ پلە لەبان پەیمانەی ریختەر، ئمڕوو پەنجشەممە، دادە وەرانوەر کناراوەیل فلیپین، وەگورەی راگەیانن دەسەی وەشکین جیوڵۆجی ئەمریکی، لە وەختیگ دەسەڵاتەیل ناوخوەیی هوشداری لە رخ تەکان لەرزەگە دان.
زەویلەرزەگە نزیک ساعەت ٠٢:٠٠ وەوەخت گرینیتش وەقویلی ١٢٤ کێلومەتر وەرانەوەر کناراوەیل شار کالاتاگان لە کەرت باتانگاس نزیک مانیلای پایتەخت بوی.
ئیمیل میندوزا فەرماندەی پولیس کالاتاگان ئەرا ئاژانس فرانس پرس وت: هەناێ زەویلەرزەگە بوی وەگەرد گشت ئەندامەیل پولیس دانەو دەیشت.
وتیش؛ وەکوتپڕ خەوەر لە زەخمداری و زەرەد نەڕەسیە.
وەگورەی رۆناڵد توریس وەرپرس وەڕیەوبردن کارەساتەیل لە کالاتاگان؛ زەویلەرزەگە لە ٣٠ چرکە تا یەک خولەک وەردەوام بوی.
دانیشتگەیل مانیلای پایتەخت هەس وە لەرزەگە کردن و لە ماڵ وبینایل دانەو دەیشت.
