زەویلەرزەیگ وە تونی ٤.٢ پلە دەێد لە ناوڕاس تورکیا
2023-03-09T07:53:36+00:00
شەفەق نیوز/ زەویلەرزەی نوویگ وەتونی ٤.٢ پلە لەبان پەیمانەی ریختەر، ئمڕوو پەنجشەممە، دادە ناوڕاس تورکیا.
پەیمانگەی زەویلەرزەی تورکیا وت: زەویلەرزەیگ وەتونی ٤.٢ پلە لەبان پەیمانەی ریختەر سەنتەرەگەی لە دەریای مەڕمەڕە ناوڕاس تورکیا بوی.
پەیمانگەگە باس کەفتن قوربانی و زەخمداری لەئەنجام زەویلەرزەگە نەکرد.
لە شەفەق شەش شوبات گوزەشتە، تورکیا کەفتە وەر دوو زەویلەرزەی تون، دەیان هەزار کەس لەلی بوینە قوربانی و ئەوەنەیش زەخمدار بوین.
دویای دوو زەویلەرزەگە، هەزاران جار زەوی تەکان خوارد، و لەرزەگەی رەسیە چەن دەوڵەتیگ جویر عراق و سوریا و لوبنان.
