زەویلەرزەیگ وە تونی 5 پلە شاریگ لە ئیران تیەرێدە لەرزە
2023-03-16T15:20:58+00:00
شەفەق نیوز/ وەپای ناوەن زەویلەرزەناسی نیشتیمانی ئیران، زەویلەرزەیگ، ئمڕوو پەنجشەممە، شار خۆی سەر وە پارێزگای ئازەربایجان خوەرئاوا لە باکوور خوەرئاوا ئیران هاوردە لەرزە.
وەپای داتاگان ناوەنەگە زەویلەرزەگە لە ساعەت 15:17 رویدایە لە قویڵایی 16 کیلومەتر لە تووکڵ زەوی.
حامید مەحبوبی، وەڕێەوبەر گشتیی لق ئازەربایجان خوەرئاوا لە مانگ سوور ئیرانی وە میدیایل راگەیانن وت: دویای زەویلەرزەگە تیمیگ پەیوەنیدار ئەرا ناوچەگە کلکریانە، و تا ئیسە هویچ خەوەریگ نەدریاگە لە زەرەد مادی و گیانیەیل.
