زەویلەرزەیگ وە تونی 5.6 دەێد لە کناراوەیل یەمەن
2023-12-05T09:59:16+00:00
شەفەق نیوز/ ناوەن توومارکردن زەویلەرزەی ئەوروپای ناوڕاس، ئمڕوو سێشەممە، خەوەردا لە توومارکردن زەویلەرزەیگ وە تونی 5.6پلە لەبان پەیمانەی رێختەر لە کەنداو عەدەن لە کناراو یەمەن و سۆمال.
لە بەیاننامەیگ کە ناوەن زەویلەرزەناسی تووماریکردیە هاتییە، لە دویری 159 کیلومەتر لە باکوور خوەرئاوا شار لاسکورای لە سۆماڵ رویدایە کە 6.9 هەزار کەس لەناوی نیشتەجییە، و لە دویری 258 کیلومەتر لە خوەرهەڵات شار عەدەن کە 550 هەزار دانشتگ گرێدەخوەی زەویلەرزەگە لە قویڵی 10 کیلومەتر بویە.
تا ئیسە هویچ خەوەریگ نییە لە باوەت زەخمداری یا زەردەیل زەویلەرزەگە.
