زەویلەرزەی نوویگ وەتونی ٤.٧ پلە لە کەهرمان مرعش
2023-03-14T08:48:18+00:00
شەفەق نیوز/ دەسڵاتدارەیل تورکیا، ئمڕوو سێشەممە، خەوەردان لە زەویلەرزەی نوویگ ک تونیەگەی رەسیە 4,7 پلە لەبان پەیمانەی رێختەر، لە پارێزگای کەهرمان مرعش لە باشوور خوەرهەڵات وڵاتەگە رویدایە، لەناوند زەویلەرزە ویرانکەرەگەی 6 فبرایر.
ئیدارەی کارەساتەیل و فریاکەفتن تورکیا "ئافاد" راگەیان " زەویلەرزەیگ شەوەکی ئمڕوو توومارکریایە، لەرزەگە لە قویلی 7کیلومەتر بویە"، دەسوەجی زانیاری نەدریاگە لە قوربانی و زەخمداری بوین.
وەپای ئاژانس سانای سوریاش لەماوەی 24 ساعەت گوزەشتە شمارەیگ زەویلەرزە لە ناوچەیل سوریا رویدایە، لە دیارترینیان زەویلەرزەیگ لە باکوور خوەرهەڵات لازقیە رویدایە وە تونی 3.2، یەکیگیش لە خوەرهەڵات شار حەسەکە وە تونی 3 پلە، یەکیگتریش لە باکوور خوەرئاوای تەدمر وە تونی 2.8 پلە، و ئەسکەندرون 20 لەرزە وە تونیەیل مابەین 1.5- 4 پلە لەبان پەیمانەی رێختەر وە خوەی دی.
