زەویلەرزەی چین.. شمارەی قوربانیەیل ئەرا 95 کوشیاگ و 130 زەخمدار بەرزەوبوی
2025-01-07T11:40:52+00:00
شەفەق نیوز/ شمارەی قوربانیەیل زەویلەرزەگەی تبێت لە کویەی هیمالایا لە باشوور خوەرئاوای چین بەرزەوبوی ئەرا 95 کوشیاگ و زەخمداری 130 کەس.
زەویلەرزەی تونیگ، شەوەکی ئمڕوو سێشەممە، دا لەناوچە کویەی خوەرئاوای چین نزیک نیپال، دەسەی جیلۆجی روپێوی ئەمریکی هاز زەویلەرزەگە وە7.1 پلە مەزەنەکردن.کەناڵ تەلەفزیۆنی فەرمی چین "سی سی تی ڤی" وت: زەویلەرزەگە فرە قایم بویە لەناوچەی دینغری و شمارەیگ بینای نزیک لە ناوەن زەویلەرزەگە رمانیە".وەزارەت ئیدارەی فریاگوزاری راگەیان "نزیکەی 1500 پیاو ئاگر کپەوکردن و قورتارکردن بڵاوکریاس ئەرا مینەکردن کەسەیل ژیر رمیاگەیل".
