زەویلەرزە لەناو دەریای سوور
2024-07-27T06:55:04+00:00
شەفەق نیوز/ دەزگای جیولۆجی سعودیە، خەوەردا کە ویستگەیل توومارکردن زەویلەرزە، زەویلەرزەیگ ناوڕاس دەریای سوور، وەدویڵی ١٦١ کیلۆمەتر خوەرئاوای پارێزگای لەیس، لە ساعەت ١٢:٠٩ شەوەکی ئمڕوو شەممە تووکار کردن.
دەزگاگە وتیش: زەویلەرزەگە رەسیە ٥.٧ پلە لەبان پەیمانەی ریختەر، وەقویلی نزیکەی ١٠،٤ کیلۆمەتر.
دەزگای جیۆلۆجی ئەمریکی، ئمڕوو شەممە، خەوەردا لە توومارکردن دوو زەویلەرزە لە دەریای سوور.
دەزگاگە لەبان ماڵپەڕ ئەلیکترۆنی خوەی وت: یەکەمین زەویلەرزە رەسیە ٤.٧ پلە لەبان پەیمانەی ریختەر وەدویری نزیکەی ١٩٧ کیلۆمەتر وەرەو باکوور خوەرهەڵات شار توکەر سودان.
دویەم زەویلەرزە رەسیە ٤.٢ پلە، وەدویری نزیکەی ١٧٤ کیلۆمەتر وەرەو باکوور خوەرهەڵات ئەو شارە.
