زەویلەرزەگەی سەر ساڵ ژاپۆن 16 ملیار یۆرۆ زەرەدی دەێد
رووژ ١ کانوون دویەم، زەویلەرزەیگ لە ناوڕاس ژاپۆن دا و زیاتر لە ٢٣٠ کەس گیانیان لەدەسدام.
ئی هەڵسەنگاندنە زیانەیل بینا و ژیرخانی (ریوبانەیل، فڕۆکەخانەیل، تووڕەیل) لە فرەترین زیانلیکەفتگ پارێزگای ئیشیکاوا، و لە پارێزگایل تۆیاما و نیگاتای هاوسای لەخوەی گرێد.
وەرپرسیگ حکومی ئەرا ئاژانس فەرەنسا-پرێس وت: مەودای ئامارەیل خەرجەگە هیمان فێە فراوانن "چوینکە ئیمە هیمان لە پرۆسەی هەڵسەنگاندن زیانەیلیمن"، وتیش؛ ئی ڕاپۆرتە پەنجشەممە لە ناو کۆنگرەی کابینەگە پیشکەش کریا.
ئی مەزەنەی فەرمییە کە لە ناوەین ١١٠٠ تا ٢٦٠٠ ملیار یێنە، زیاترە لە هەژمار سەرەتایی زیانەیل کە لەلایەن کەرت تایبەتەو لە سەرەتای مانگ یەک دیاری کریان.
بەڵام مەزەنە کریەێد بڕ خەرج ز زەرەد زەویلەرزەگە فرە کەمتر بوود لەوە کە وەمدوو ئەو زەویلەرزەیلە لەرزە ویرانکەرە بوود کە تسونامی بوی کە لە ساڵ ٢٠١١ باکوور خوەرهەڵات ژاپۆن گردەو، و حکومەت ژاپۆن لەو مەوقە مەزەنەی کردوێد کە زیانەیلی نزیکەی ١٦ هەزار و ٩٠٠ کەس لەلی کەفتەو ملیار یێن کە لەو وەختە یەکسان بوی وە ١٤٧ ملیار یۆرۆ.
