زەویلەرزەی درووکانی دەێد لە مۆبایل ئیرانەیل
شەفەق نیوز/ هوشداریکردن درووکانی مەزەنەی زەویلەرزەیگ لە ئیران کرد، ئمڕوو چوارشەممە، زیڕە خستە ناو مەردمەگە، لەوەختیگ دەسەڵاتەیل ئیران باسەیل چەواشەکاری لەباوەتەگە کردن.
ئاژانس «ئەسوشیتد پڕس» وت: فرە لە هاووڵاتیەیل ئیرانی ک مۆبایل زیرەک دیرن وە سیستەم «ئەندەروێد» کار کەن، هوشداری لە زەویلەرزەیگ درووکانی وەپیان رەسێد.
جیگر فەرماندەی پولیس ئیران ئەرا نەهیشتن تاوانەیل ئەنتەرنێت، کولۆنێل رامین پاشایی، ئەراک تەلەفزیۆن ئیرانی وت: مۆبایلەیل ئەندەروێد لە خوەیانەو ئەو هوشداری درووکانیە وەرگردنە، و گلەیی خستە بان تاقیکردنیگ وەلایەن کۆمپانیای پەیوەندی دەوڵەت ئیران.
لەلای خوەییش، ئاژانس خەوەری ئیرانی «ئیرنا» باس رویداوەگە وە پیشیلکاری کرد، و وت: ئی پەیامە درووە، لەماڵ نەچنە دەیشت.
کۆمپانیای گووگڵ خاوەن پرۆگرام ئەندەروێد وەکوتپڕ لەبان داوای لێدوان لە ئاژانسەگە نەهاتە دەنگ.
ئیران لە وەخت کوشیان ژینا ئەمینی لە تەمەن ٢٢ ساڵان لە ١٦ی ئەیلوول گوزەشتە دویای دەسگیرکردنی وەلایەن پولیس ئەخلاق لە وڵاتەگە، زنجیرەی پیشیلکاری وەخوەی دی.
کوشتن ژینا ئەمینی، مانگەیلیگ لە ناڕەزایی دروس کرد، ک بویە داوای رمانن رژیمەگە، و بویە یەکیگ لە گەورەترین سەختیەیل لە روی تەهران، دویای چەن ساڵیگ لە ئاژاوە لە دویای شوڕش ئیسلامی لە ساڵ ١٩٧٩.
