زەویلەرزە دەێد لە دوورگەیل رووسیا
2023-09-29T06:18:13+00:00
شەفەق نیوز/ پەل ناوخوەیی لە دەسەی فیزیای زەوی لە ئاکادیمیای زانستەیل رووسیا خەوەردا لە توومارکردن زەویلەرزەیگ وەتونەی ٥.٧ پلە لەبان پەیمانەی ریختەر نزیک دوورگەیل کورێل خوەرھەڵات رووسیا.
دەسەگە وتیش؛ زەویلەرزەگە لە ساعەت ٤:٤٠ شەفەق جمعە وە وەخت وڵاتەگە بوی.
سەنتەر زەویلەرزەگە وەقویلی ٦٦ کێلومەتر لە زەریای ئارام وەدویری ١٢٣ کلم وەرەو باشوور خوەرھەڵات لە دوورگەی ئیتورب بویە.
وەڕیەوبەرایەتی ناوخوەیی وەزارەت فریاکەفتن لە ناوچەی ساخالین وت: دانیشتگەیل شار کوریلسک و چەن ئاواییگ لە دوورگەی ئیتوروب هەس وە لەرزەگە کردن.
جی باسە کە شمارەی دانیشتگەیل کوریلسک رەسێدە نزیکەی ٢٥٠٠ کەس، و یەکیگە لە بویچگترین شارەیل رووسیا.
