زەویلەرزەیگ دەێد لە دەوڵەتیگ عەرەبی
2023-03-25T07:12:38+00:00
شەفەق نیوز/ زەویلەرزەیگ، شەفەق ئمڕوو شەممە، وەتونی ٣.٨ پلە لەبان پەیمانەی ریختەر، دادە ناوچەی سیدی هانی لە ویلایەت سوسە لە کناراوەیل خوەرهەڵات تونس.
ویستگەیل رەوانگەکردن زەویلەرزەی پەیمانگای نیشتمانی تونس وت: لە ساعەت 1:14 شەفەق، زەویلەرزەیگ وەتونی 3.8 پلە لەبان پەیمانەی ریختەر توومار کریا.
وتیش؛ سەنتەر زەویلەرزەگە لە باشوور خوەرئاوای ناوچەی سیدی خانی لە ویلایەت سوسە باشوور پایتەخت بویە، و ئاگاداری لە هویچ زەرەدیگ نەڕەسیە.
