زەویلەرزەی تونیگ دەێد لە ئەندەنووسیا
2023-01-10T08:52:25+00:00
شەفەق نیوز/ زەویلەرزەیگ وە تونی ٧.٦ پلە، داگە ناوچەی وەرانوەر دوورگەیل تانیمبار ئەندەنووسیا، ک هیشت خەڵکەگە لە ماڵەیل بچنە دەیشت و بان بگرنە وەر، و هەرچەن هوشداری لە بەرزەوبوین تسۆنامی کریا، باوجی خەوەرەیل وتن زەرەدەیل ئەو زەویلەرزە کەم بوینە.
دویای زەویلەرزەگە چوار لەرزەی تەکانی توومار کریا.
وەرپرسەیل ئاژانس نیشتمانی ئەندەنووسیا وتن: ١٥ ماڵ لەلای کەمەو و دوو مەکتەو لەو زەویلەرزە زەرد وەپیان رسیە، و یەک کەس زەخمدار بوی.
ئاژانس جیوفیزیای ئەندەنووسیا وت: زەویلەرزەگە لە ساعەت ٢:٢٧ شەفەق وە وەخت وڵاتەگە بویە، و وە قویلی ١٤٠ کێلومەتر.
