زەویلەرزەی تونیگ دەێد لە ئیران

شەفەق نیوز/ زەویلەرزەیگ وە تونی 5.1 پلە لەبان پەیمانەی رێختەر دا لە شار عشق ئاباد سەر وە پارێزگای خۆراسان باشوور خوەرهەڵات ئیران.

ناوەند توومارکردن زەویلەرزە لە دامودەزگای جیوفیزیایی سەر وە زانکۆی تاران ئاشکەراکد، لەرزەی تونیگ لە ساعەت 04:07  شەوەکی ئمڕوو سێشەممە، وەپای وەخت ناوخوەیی لە شار عشق ئاباد سەر وە پارێزگای خوراسان رویدایە.

ناوەندەگە وتیش،  زەویلەرزەگە لە دویری 26 کم لە عشق ئاباد رویدایە، 70کم لە شار تەبس، و 74 کم لەشار بەشرەویە لە پارێزگای خۆراسان، لەبان کڕ درویژی خوەرهەڵات 56.73 و کڕ پانی باکوور  34.20 پلە.

ئاژانس" ئیرنا" خەوەردا هویچ راپۆرتیگ لەباوەت زەردەیل زەویلەرزەگە نەرەسیە".