زەویلەرزەی تورکیا.. چاڵ گەورەیگ وەناکاوەو دیار دەێد.. وینە و ڤیدیۆ

زەویلەرزەی تورکیا.. چاڵ گەورەیگ وەناکاوەو دیار دەێد.. وینە و ڤیدیۆ
2023-02-25T07:43:35+00:00
شەفەق نیوز/ لەوەختیگ ئەو زەویلەرزەی ویرانکەرە ک لە ٦ شوبات دادە تورکیا و دەیان هەزار قوربانی لە کوشیان و زەخمداری هەرلە تورکیا و سوریا هیشتە جی، مەردم مینەی کاریگەریەیل زەویلەرزە کەن و خوازن بزانن چە لەپشتی بوود، و چ زەرەدیگ وە سەنگ و ئایەم رەسنێد.

لە رووژەیل دویای ئەو زەویلەرزەی ک وە کارەسات سەدەگە دریا قەڵەم، باس چەن چشتیگ کڕیا  بڕیسگی راسە و بڕیگیش لەوەر ئەو رخ و زیڕە ک کەفتە ناو دەروین مەردم دویای کوشیان زیاتر لە ٥٠ هەزار کەس، و سەرگەردانی دەیان هەزار، چشتەیلیگ تیەێدە وەر چەویان یا کەفێدە خەیاڵیان ک خوەی راسی نییە.

دویاترین ئەو چشتەیل ئەڵاجەویە، ئەوەسە ک لە ساڵ قونیە لە تورکیا بوی، ک خەڵک ناوچەی رەشادیە وینەیل چاڵ فرە گەورەیگ گردن ک وەناکاوەو دروس بویە، ک هیشت مەردم رخیان لەوە بچوود نەگ یەیش هن ئی زەویلەرزەیلە بوود ک لە ماوەی دوو هەفتەی گوزەشتە دەن لە تورکیا.

پانی چاڵەگە رەسێدە ١٤٠٠ مەتر وەقویلی ١٢ مەتر، وەگورەی قسەی ئاژانس ئەنادۆڵ فەرمی، ک ڤیدیۆی چاڵەگە نشان دا.

ئەو چاڵە م وەناکاوەو دەرچگ، سەرسام خەڵکەگە کرد، و وەڕیەوبەر ناوەند تۆێژینەوە لە زانکۆی قونیە ئەرا ئاژانس ئەنادۆڵ وت: ئی چاڵە نووە، دویەکە لە کارابینار دروس بویە، و نەتوەنستیمن پەیوەندییگی وەگەرد زەویلەرزەی ئمڕوو یا زەویلەرزە گەورەگەی ٦ شوبات پەیا بکەیمن.

 

 

Shafaq Live
Shafaq Live