زەوی رووسیا دوو مەتر جویلە کەێد لە دەرئەنجام ئەو زەویلەرزەی سەختە
شەفەق نيوز- مۆسكۆ
زەوی لە رووسیا دوو مەتر وەرەو باشوور خوەرھەڵات جویلە کرد، دویای ئەو زەویلەرزەی سەختە کە لە 30 تەمووز گوزەشتە داد لە كامتشاتكا.
هەرچەن ئەو زەویلەرزە کە هازەگەی رەسیە 8.8 پلە لەبان پەیمانەی ریختەر، ئەو زەرەدە نەڕەسان کە چەوەڕی کریاس و نەیش ئەو شەپوولەیل تسونامی ویرانکەرە، وەلێ ئەو دیاردەی جیولۆجیە لە شوینی بوینە بوین.
وەگورەی ناوەند جیوفیزیک رووسیا، بەش باشوور نیمچە دوورگەی كامتشاتكا جویلەکردن گەورەیگ توومار کریا.
ئاژانس "نوفوستی" رووسی لە زوان ناوەندەگە وت: كامتشاتكا دویای ئەو زەویلەرزەی گەورە وەرەو کوو جویلە کرد؟ هەشماکردنیگ سەرتایی ئەنجام دایمن لە ئەنجام دەسنشانەیلجيودينامي، و دەرکەفت کە ئیمە گشتمان وەشیوەی وەرچەویگ وەرەو باشوور خوەرھەڵات جویلە کردیمنە.
پسپۆڕەیل وتنیش: جویلەکردنە گەورەگە دویای ئەو زەویلەرزە لە باشوور نیمچە دوورگەی كامتشاتكا بویە، کە رەسیە نزیکەی دوو مەتر، کە وەگورەی جویلەکردنەیل ئاسووی دویای زەویلەرزەی ساڵ 2011 لە ناوچەی توهوكۆی ژاپۆن بویە.
ویستگەیل زەویلەرزەناسی لە ناوچەی بتروبافلوفسك-كامشاتسكی هەمیش جویلەکردن توومار کردنە، وەلێ کەمتر بویە.
