زیندانیکردن سەخت لەبان پیاویگ هندی دەسدرویژی سێکسی لەبان دویەتیگ کردیە ٦٠ ساڵ لە خوەی بویچگترە
2023-02-18T10:51:11+00:00
شەفەق نیوز/ دادگایگ لە ناوچەی کاندامال لە ویلایەت ئودیشا، خوەرھەڵات هندستان، ئمڕوو شەممە، فەرمان ٢٠ ساڵ زیندانیکردن لەبان پیاو پیریگ لە تەمەن ٦٧ ساڵە دەرکد، دویای تاوانبارکردنی وە دەسدرویژکردن سێکسی لەبان دویەتیگ بویچگ وەرجە ٣ ساڵ.
ئاژاس خەوەری "پرس ترست ئۆف ئینديا" وت: دادگاگە بڕیارەگەی لەبان ئەنانجا نایاک وە زیندانیکردن سەخت و ٢٠ هەزار روپیە باج دەرکرد.
وەگورەی کاغەزەیل باوەتەگە، توومەتبارەگە لە ئەیلوول ساڵ ٢٠٢٠ دویەتیگ لە تەمەن ٥ ساڵان خەڵەتانیە، هەنای لە وەردەم ماڵیان بازی کردیاد، و هاوردیەسەی ماڵ خوەی و لەورا تاوانەگەی جیوەجی کردیە.
رویداوەیگ دەسدرویژکردن سێکسی لە ساڵ ٢٠١٢ کەفتە وەرچەو لە هندستان، ک لەو مەوقە دویەتیگ خوەنەوار کەفتە وەر دەسدرویژکردن سێکسی وەلایەن بڕیگ پیاو لەناو پاسیگ لە دیلهی.
ئەو دویەتە دویای چەن رووژیگ لەوەر زەخمەیلی گیانی لەدەسدا، و سزای وەسێدارەدان لەبان چوار توومەتبار دەرچگ.
