زیندانیکردن دوو دەزویران لە تەهران سەما کردنە
2023-02-01T08:27:53+00:00
شەفەق نیوز/ دادگایگ ئیرانی، فەرمان زیاتر لە ١٠ ساڵ زیندانیکردن لەبان دویەت و کوڕیگ دەزویران دەرکرد، لە وەردەم یەکیگ لە سیمایل سەرەکی لە تەهران سەما کردنە.
ئەسیتاج حەقیقی و ئەمیر محمد ئەحمەدی، ک دەزویرانن و هەردوگیان هانە تەمەن ٢٠ ساڵان، دویای بڵاوبوین ڤیدیۆیگ وەشیوەی فراوانیگ، لەناوی هەردوگیان وەشیوەیگ رۆمانتیکی لە وەردەم تاوەر ئازادی لە تەهران سەما کەن.
وەگورەی دەسەڵاتەیل، دویەتەگە لەچگ سەری نەپووشیە، و لە شوینیگ گشتی هەردوگ دەزویرانەگە سەما کردنە و لە یاسای رژیم ئیران دەرچینە.
وەگورەی ئاژانس فرانس پرس، دادگایگ لە تەهران فەرمان ١٠ ساڵ و ٦ مانگ زیندانیکردن لەبان هەریەک لەلیان دەرکرد، وەگەرد قەیەغەکردنیان لە وەکارهاوردن سۆشیال میدیا و قەیەغەی دەرچگیان لە ئیرا.
وتیش: دوو دەزویرانەگە وە توومەت هاندان لەبان فەساد و بەدکاری توومەتبار کریانە.
