٥ زەخمداری لەناو تەقەکردن لە زانکۆی مۆرگان ئەمریکی
2023-10-04T12:34:31+00:00
شەفەق نیوز/ پەنج کەس لەناو تەقەکردن لە زانکۆی مۆرگان حکومەتی لە شار بالتیمور لە ویلایەت ماریلاند ئەمریکا زەخمدار بوین.
ریچارد وورلی وەرپرس پولیس وت: زەخمدارەیل لە تەمەن ١٨ تا ٢٢ ساڵن، و زەخمییان سووکە، لە ئەنجام پەلامارەگەی دویەشەو سێشەممە، وەگورەی قسەی تووڕ (ئێن بی سی نیوز).
لەلای خوەیی، لانس هاچەر فەرماندەی پولیس زانکۆگە وت: ٤ لە زەخمدارەیل خوەنەوارن لە زانکۆ.
رایان دورسی، ئەندام ئەنجومەن شار بالتیمور لەبان ماڵپەر (ئێکس) وت: مەزەنە هەی ٣ چەکدار تەقە لەو کەسەیلە کردنە، و ناسنامەی هویچ کەسیان ئاشکرا نەکریایە.
لەلای خوەییش، دەیڤید ویلسۆن سەرۆک زانکۆگە وت: تەقەکردنەگە لەو مەوقە دەرچگن خوەنەوارەیل لەناو ئاهەنگ هەفتەی گلەوخواردن ئەرا مەکتەو بوی.
زانکۆگە وسیان گشت وانەیل ئمڕوو چوارشەممە راگەیان.
