زەخمداری سەرۆک کۆمار قەمەر وە پەلاماریگ وەچەقوو

شەفەق نیوز/ نویسینگەی سەرۆک کۆمار قەمەر وت: سەرۆک ئەو دەوڵەتە کە کەفێدە زەریای هیندی تویش زەخمداری سووکیک هات، لە ئەنجام پەلاماریگ وەچەقوو، هەناێ دویەکە لەناو پرسەی ریبەریگ ئاینی بوی.

ئەسۆشیتد پرس لە زوان نویسنگەی سەرۆک غەزالی عوسمانی لە بەیاننامەیگ وت: زەخمەیلی رخدار نیین، و ئەرا ماڵ خوەی گلەو خوارد، وتیش: هیزەیل ئەمنی کەسە پەلاماردەرەگە دەسگیر کرد، وەلێ باس ناسنماەی نەکرد، و باس هویچ زانیارییگ ترەک لەبان پەلامارەگە ئاشکرا نەکرد.

لەلای خوەییش، ئەبو بەکر سەعید ئەنلی وەزیر حکومەت وت: یەک مەدەنییش زەخمدار بوی، مەوقەی تەقەلای مقیەتیکردن سەرۆک.

لە کانوون دویەم، لەناو هەڵوژاردنیگ کە حزبەیل ئۆپۆزسیۆن لەلی رازی نەوین، دووارە دەنگ وەپی دریا.

لەو ژاوەژاوە کە لە پشت هەڵوژاردن بوی یەک کەس لەلای کەمەو گیانی لەدەسدا.