زیاتر لە ٣٠٠ کوشیان و ٩٠٠ زەخمدار ر لەئەنجام لەیەکداین دوو قەتار لە هندستان
2023-06-03T06:57:07+00:00
شەفەق نیوز/ ئامار قوربانیەیل لەیەکداین دوو قەتار رەسیە ٢٨٨ کوشیاگ لەلای کەمەو، و زیاتر لە ٩٠٠ زەخمدار، و وەگەرد رخیگ لە شمارەی فرەیگ ک هیمان هانە ژیر شکیاگ قەتارەگە.
سودانشو سارانگی وەڕیەوبەر گشتی ئاگرکوشانەوە لە ویلایەت ئودیشا ئەرا ئاژانس فرانس پرس وت: شمارەگە وەرەو بەرزەوبوین چوود لەوەر زەخمدارەیل فرە و زەخمەیل سەر.
برادیب جینا وەرپرس ناوخوەیی لە ویلایەت ئودیشا ئەرا فرانس پرس وت: نزیکەی ٨٥٠ زەخمدار بریانە خەسەخانە.
وەرپرسەیل کڕ قەتارەگە وتن: ئەو قەتارە وەناو كوروماندل ئیكسبرس ک لە کولکاتا وەرەو چینای چوود، داگە قەتاریگ تر وەناو هوراهسوبرفاست ئیكسبرس.
وینەیلیگ لە شوین رویداوەگە نشان دەن پیاوەیل رزگارکردن گژیەنە قەتارە شکیاگەیل وەمینەی کەسەیلیگ زنی.
سەدان لە گەنجەیل لە وەردەم خەسەخانەیگ حکومەتی رزارەو بوین تا خوین بیەن.
وەگورەی قسەی دەسەڵاتەیل کڕ قەتار سازت ئیسترن، قەتار هوراهسوبرفاست ئیكسبرس لە کڕ خوەی دەرچگە و داد لە قەتار كوروماندل ئیكسبرس.
