زیاتر لە هەزار سەرباز ئۆکرانی لەناو کارخانەی مەرگ گیر هاتنە

شەفەق نیوز/ خانمە جیگر سەرۆک وەزیرەیل ئۆکرانیا ئیرنا فیریچۆک، ئمڕوو سێشەممە، راگەیان ک زیاتر لە هەزار سەرباز ئۆکرانیا، سەدان زەخمدار هاناویان، هیمان لەناو کارخانەی ئازۆفستال لە شار ماریۆبول باشووری ک کەفتیەسە دەس رووسیا گیر هاتنە. 

ئەو خانم وەرپرسە ئەرا فرانس پڕس وت: زیاتر لە هەزار سەرباز ئۆکرانیا هیمان هانە ناو کارخانەگە، و سەدان لەلیان زەخمدارە. 

وتیش: کەسەیلیگ لەناویان هەس زیان لە زەخمەیل سەختیگ دیرن، و بایەتە فریاکەفتن ئەرایان بوود، و هەر رووژیگ رەوشیان گەنتر بوود.    

کارخانەی ئازۆفستال دویاترین سویک وەرخودان ئۆکرانیاس لەو شار خاپوورە، و بویە سومبلیگ گەورە لەو جەنگ فراوانە ک ئۆکرانیا وەخوەی دوینێد.