رووژنامه‌يگ بريتانى: بڕيار ترامپ ئاسايش له ئه‌مريكا بته‌و ناكا
شه‌فه‌ق نيوز/ رووژنامه‌ى سه‌نداى تايمز باوه‌تيگ شيه‌وكرياگ بڵاو كرد و له‌تى باس ئه‌و برياره‌يله كرد ك دوناڵد ترامپ سه‌رۆك ئه‌مريكى داسه‌ى ئه‌را چه‌وديرى مه‌رزه‌يل و قه‌يه‌غه‌ى چگن هاووڵاتيه‌يل بريگ له ده‌وڵه‌ته‌يل عه‌ره‌بى ئه‌را ناو وڵاته‌يل يه‌كگرتگ وه مه‌هانه‌ى مه‌ترسى له‌بان ئاسايش ئه‌مريكا.
له‌ى باوه‌ته‌و، تيم ستانلى نويسه‌ر باوه‌ته‌گه وت: ئه‌و دروشمه‌يله ك ترامپ له‌وه‌ر خاترى هه‌ڵوژريا كه‌مه‌وكردن شماره‌ى كووچكه‌ره‌يل و له‌ناوبردن ترۆر بوى، وه‌لێ ئيسه مه‌ردم وه وه‌حش تاريفى ئه‌كه‌ن له‌وه‌ر ئه‌و برياره‌يل دوياخره.
جى باسه، هه‌مان باوه‌ت ئاماژه وه‌يه‌يش كردگه‌و وتگه: شاره‌زايه‌يل باوه‌ريان ئه‌وه‌سه ك بڕياره‌يل ترامپ نادێده مايه‌ى بته‌وكردن ئاسايش وڵاته‌يل يه‌كگرتگ و له هه‌مان وه‌خت باس له‌وه‌يش كردگه ك وڵاته‌يل يه‌كگرتگ كيشه‌ى په‌نابه‌ره‌يل نه‌يرێد، چوينكه له‌ڕاسى پيشوازى له شماره‌ى فريه ناكا.
