رووسیا هوچانیگ لە جەنگ ئۆکرانیا دەێد

شەفەق نیوز/ رووسیا ئاگربەسی لە شارەیلیگ ئۆکرانیا راگەیان، هەر لە شەوکەی ئمڕو دووشەممە، و وازکردن ریەیلیگ مرۆیی لە چەن ناوچەیگ، دۊای یەک رووژ لەناچارکردن سەدان هەزار لە مەدەنیەیل ئۆکرانیا لە پەنابردن وە حەشارگەیلیگ لەوەر گورزەیل رووسیا. 

لەو مەوقە ک وەرپرسەیلیگ ئۆکرانیا باس کارەساتییگ لەمەوقەی تەقەلای دراوردن مەردم لە دەورگرد کیێڤ کردن، وەرپرسەیلیگ لە هەردوگ لایەنەگە پلان ئەرا دانوسەنین نوویگ ئەرا ئمڕو دووشەممە دانان.   

تیمەیلیگ رووسی باس کردن ک گریەبەسی لە شەوەکی رووژ دووشەممە دەس وەپیکەێد، ک دوانزەهەمین رووژەیل جەنگە، وەخاتر دراتن مەدەنیەلیە لە کیێڤ پایتەخت و شار ماریوبول و خارکیڤ و سۆمی. 

ئاشکرا نەۊە ئایا جەنگەگە لە دەیشت ئەو شارەیلیش وسیەێدەو، و هەمیش باس ماوەی ئی هوچانە نەکریا.