رووسیا قەیەغەی رەسین سەرۆک وەزیرەیل بەریتانیا و وەزیرەیل دەرەوە و وەرگریی وەناو خاکی کەێد

شەفەق نیوز/ وەزارەت دەرەوەی رووسیا، ئمڕوو شەممە، راگەیان ناو بۆریس جۆنسۆن و هەر لە وەزیر دەروە و وەرگری بەریتانیا خستە ناو لیست ئەوانەگ لە رەسین وناو خاک رووسیا قەیەغە کردگە، لە وەڵامیگ لەبان سزایل بەریتانیا.      

وەزارەت دەرەوەی رووسیا لە بەیاننامیگ لەبان ماڵپەڕ ئەلیکترۆنیی بڵاو کرد: لەو باوەتە ک پەیوەندی وە کارە دژایەتیەیل بیوەرین حکومەت بریتانیا دیرێد، ک سزایلیگ وەبان گەورە وەرپرسەیل رووسیا جەسپنێد، بڕیار دریا؛  ناو ئەندامەیلیگ ناودیار لە حکومەت بەریتانیا و چەن کەسایەتییگ سیاسی بخریەنە ناو لیست قەیەغەی رووسیا.. و ئەو لیستە ناوەیل کەسەیلیگ بەریتانی گرێدەو ک لە رەسین وەناو خاک رووسیا قەیەغە کریان، و لەناویان بۆریس جۆنسۆن سەرۆک وەزیرەیل، و ئێلیزابێت تروس خانمە وەزیر دەرەوە، و بن واڵاس وەزیر وەرگری گرێدەو.