رووسیا...زنجیرە تەقینەوەی غاز لە بینایگ نیشتەجیبوین

شەفەق نیوز/  دوو تەقینەوەی غاز غاز لە بنایگ نیشتەجیبوین لە ناوچەیل یرسلافل و نیجینی نوفغورود لە ناوڕاس رووسیا، ئمڕوو دووشەممە، رویدا، لەدویای تەقینەوەیگ هاکایی لە رووژ یەکشەممە لە شار نیجنیفار توفسک لە خوەرئاوایسیبیریا رویدا.

خزمەتگوزاری فریاکەفتن راگەیان، 18 کەس ک 3یانیان مناڵن لە بیناگە دەرکریان ک تەقینەوەی غازیەگەی ئمڕوو هاوردێ لەرزە و ئاگریدا، لە شار زافولجیە لە ناوچەی نیجی نوفغورود لە کنار چەم فولغا وەبی ئەوەی تویشهاتن بوود.

کۆتا تەقینەوەی غاز لە بینایگ لە شار یاوسلافل رویدا، هووکارەگەی سەرپیچکردن لە وەکارهاوردن ئامێر غازی بویە، وەپای ئەوەگ دەسڵاتدارەیل دووپاتیکردنەس، 44 کەس لە بیناگە دەرکیاگە، دوو کەس ئەرا خەسخانە کلکریاس، یەکیگیشیان ها لە وتاق چەودێری هویرد دویای ئەوەگ تویش سزیان فرەیگ بوی.

تا ئیسە 7 کەس بی سەرو شوینن، لەوباوەڕەن دووانیان لە ژیر داروپەردوەگانن، ک  تەقینەوە و هێزەگە بوویە هووکار ڕمیان بەشیگ لە بینا نیشتەجیبوینەگەی نیجنیفارتوفسک، دەسڵاتدارەیل دووپاتکردنەس رویداوەگە کۆتایی وە ژیان 6 کەس هاوردیە، شمارەیگیش زەخمدارە و 4 کەسیش چارەسەر وەرگرن لە خەسخانە.