رووسیا رۊ وەرەو کیێڤ کەێد

شەفەق نیوز/ راپۆرتەیلیگ جەهانی، ئمڕوو شەممە، باس کرد ک هیزەیل رووسیا رۊ وە کیێڤ پایتەخت ئۆکرانیا کەێد، کەفتە دۊری ٢٥ کیلومەتر لە ناوڕاس کیێڤ. 

وەزارەت وەرگەی بەریتانیا وت: هیزەیل رووسیا دووارە رزەیل خوەی رێک خەێد، شایەت وەخاتر پەلامار نوویگ لەبان کیێڤ لەی چەن رووژ ئایندە.   

وتیش: جەنگ باکوور خوەرئاوای کیێڤ هیمان وەردەوامە و شارەیل خارکیڤ و چرنهییڤ و سۆمی و ماریوبول هیمان هانە ژیر گورز خەس رووسیا،  وەگورەی ئاژانس رۆیتەرز.  

ئی نواچگنە دۊای ئەوە هات ک وینەیلیگ ئەرا جۊلەی کارەوان گەپ رووسیا توومار کریا، ک دۊای دوو هەفتە لە وسیانی دووارە دەسکردە جۊلە. 

وەرپرسیگ سەربازی ئەمریکی وت: هیزەیل رووسیا لە باکوور خوەرئەڵات وەرەو نوا چوود.