رووژ چوارەم زەویلەرزە ویرانکەرەگە...16 هەزار مردن و نزیکەی 68 هەزار زەخمدار
2023-02-09T07:12:55+00:00
شەفەق نیوز/ لە رووژ چوارەم دویای ئەو زەویلەرزەی سەختە ک خوەرهەڵات ناوڕاس هاوردە لەرزە، شمارەی قوربانیەیل لە سوریا و تورکیا بەرزەو بوی ئەرا 84 هەزار کەس، ک نزیکەی 16 هەزاری گیان لە دەسدایە، وەپای ئاماریگ ک کۆتایی نییە، پیاوەیل قورتارکەر پێشبڕکی کەن لە دراوردن ئەو کەسەیلە گیرکردنە لە ژیر رمیاگەیل وە ژیر کەشوهەوای فرە سەردیگ.
وەرپرسەیل وتن: 12,391 کەس لە تورکیا گیان لە دەسدایە و3,508 لە سوريا لەوەر ئەو زەویلەرزە ک لە شەوەکی شەفەق رووژ دوشەممە رویدا وە هاز 7,8 پلە، شمارەی جەم گشتی مردنەیل رەسیە 15,891.
لەرزەیل یەک لە دویای یەک دویای زەویلەرزەگە وەردەوامە، ک تا ئیسە رەسیە ئەرا زیاتر لە1052 لەرزە، هەمیش زەویلەرزەی سووک لە فەلەستین و ئیتاڵیا رویدایە.
لە ناوڕاس تورکیا لە وەخت شەوەکی شەفەق شمارەیگ زەویلەرزە رویدایە وەپای ئەوەگ ئیدارەی کارەسات و فریاکەفتن تورکیا رایگەیانیە، دیاریکرد شمارەی ئەو زەویلەرزەیلە لە دویای ئەوە رویدانە رەسیە ئەرا 1052 لەرزە.
