رووژنامەیگ تورکی: وتارەگەی ئۆجەلان وەدەس خوەی نویساسەی
شەفەق نیوز/ راپۆرتیگ رووژنامەوانی تورکی، ئمڕوو شەممە، وت: وتارەگەی عەبدولڵا ئۆجەلان ریبەر پارت کرێکاران کوردستانی لەباوەت وازهاوردن لە چەک و پویچەڵکردن خوەی، خریا ژیر دووارەنووڕین ئاسایش تورکی، و دووپات کرد کە ئۆجەلان وەدەس خوەی نویساسەی.
رووژنامەی "توركيا" نویم لە حزب دەسەڵاتدار، لە راپۆرتیگ کە ئاژانس شەفەق نیوز نووڕیەی وت: دەق بانگەواز ئۆجەلان کەفتە ژیر دووارەنووڕین ئەرا چەن گلەیگ وەلایەن ئاست ئەمنی لە تورکیا، و دیاری کرد کە رووژ 25 شوبات مووڵەت وەو پەیامە دریا، وانە وەرجە دوو رووژ لە ئاشکراکردنی.
راپۆرتەگە وتیش: دووارەنووڕین لەبان دەق ئەو بانگەوازە کە ئۆجەلان وەدەس خوەی نویساسەی، ئەوە بوی کە قسەیلیگ لەناوی نەوود چەن واتەیگ بیاشتوون، و دیار و بیگومانی بوود، و داوای وازهاوردن لە چەک و کۆتاییهاوردن وە جەنگ مەرج لەناوی نەوود.
رووژ پەنجشەممەی گوزەشتە، ئۆجەلان لە زیندانەگەیەو لە تورکیا پەیامیگ کلکرد، لەناوی داوا لە پەکەکە کرد چەک دانەێد.
لە پەیامیگ لەناو کۆنگرەی حزب دیموکراتی و یەکسانی گەلان تورکی ئاشکرا کریا، ئۆجەلان دووپات کرد کە وەرپرسیارێتی میژووی لە داواکردنە هەڵگرێد.
لەلای خوەییش، ئمڕوو شەممە، پەکەکە ئاگربەسی وەرد تورکیا راگەیان، لە وەڵامدان داوای ریبەری عەبدولڵا ئۆجەلان.
رەجەب تەییب ئەردۆگان سەرۆک تورکیا، لەبان ئەو پەیامە هاتە دەنگ و وت: قۆناغ نوویگ لە تەقەلایل چووڵکردن تورکیا لە تیرۆر دەسوەپی کرد.
