٥٩ رووژ جەنگ لە سودان وەردەوامە.. شمارەی کوشیاگەیل رەسیە ٩٥٨ کەس

شەوەکی ئمڕو چوارشەممە، شار ئەبیەز، پایتەخت باکوور، بویە مەیدانیگ ئەرا جەنگ ناوەین سوپای سودان و هیزەیل پاڵپشتیکردن زوینە، و دەنگ رممەی تووپ لە شارەگە هەڵسیا.

 وەپەی دویاترین ئامار کۆمەڵەی پزیشکی سودان، شمارەی کوشیان و زەخمداری لە ناو مەدەنیەیل لە ماوەی ناوەین ٢٧ ئایار تا ١٢ی حوزەیران رەسیە  ٩٥٨ کوشیان و چوار هەزار و ٧٤٦ زەخمدار.

وەگەرد رەسین وەناو سێیەم مانگ جەنگەگە، ئازار سودانییەیل زیاترەو بوون، یەیش لەناو رمیان کەرتی تەندروسی و  خزمەتگوزارییە سەرەتاییەیل و شیویان پەیوەندییەیل و کەمی سوتەمەنی و نەختینەیی وەتایبەت لە دارفور لە خوەرئاوای وڵاتەگە ک وەدەس رەوشیگ دڵتەزن ناڵێد، وەتایبەت شار جونەینە ک وە دووزەق جەهان باسی کریا، وەپەی دەسەی سەندیکای پزیشکی.