روسيا ده‌سكرده وه‌خشين هاووڵاتيه‌يل 9 ده‌وڵه‌ت عه‌ره‌بى له فيزا
شه‌فه‌ق نيوز/ وه‌ل سه‌ره‌تاێ مانگ ئاب، روسيا ده‌سكرده جيوه‌جيكردن بريار وه‌خشين گه‌شتيار و پياوه‌يل كار له 18 ده‌وڵه‌ت و له‌ناونيانيش 9 ده‌وڵه‌ت عه‌ره‌بى له فيزاێ وه‌ناوچگن ئه‌را پاين خوه‌رهه‌ڵات وڵاته‌گه‌ێ.
له‌ى باوه‌ته‌و، ديمترى مدفيديف سه‌رۆك وه‌زيره‌يل رووسێ له ده‌ركردن ئه‌و برياره له ئبريل گوزه‌يشت وت: ئه‌وانه‌گ مه‌يل سه‌ردان خوه‌رهه‌ڵات روسيا ديرن له ئيسه وه دوياوه هه‌وه‌جه وه ده‌ركردن فيزا ناكه‌ن و ئه‌تويه‌نن بانه ناو له‌شوون پڕه‌وكردن ئستماره‌ێ به‌يانات ئاسانيگ له‌بان ئه‌نته‌رنێت.
ئه‌و ده‌وڵه‌ته‌يله ك وه‌خشيانه له فيزا ئه‌را خوه‌رهه‌ڵات روسيا چه‌ن ده‌وڵه‌تيگ عه‌ره‌بيه ك پيكهاتنه له: ئيمارات و به‌حره‌ين و قه‌ته‌ر و تونس و مه‌غرب و جه‌زاير و سعوديه و عه‌مان و كوه‌يت، يه‌يش بيجگه هاووڵاتيه‌يل برۆناێ و ئيران و هند و كۆرياێ باكوور و مه‌كسيك و سه‌نغافوره و توركيا و يابان.
