روسيا حاڵه‌ته‌يل مردن وه‌ كۆرۆنا تۆمار كرد و تره‌مپيش گومان له‌ بنه‌ڕه‌ت ڤايرۆسه‌گه‌ ديرێد

روسيا حاڵه‌ته‌يل مردن وه‌ كۆرۆنا تۆمار كرد و تره‌مپيش گومان له‌ بنه‌ڕه‌ت ڤايرۆسه‌گه‌ ديرێد
2020-04-18T10:35:37+00:00

شه‌فه‌ق نيوز/ باره‌گاى فه‌رمانده‌يى تايبه‌ت وه‌ روێ وه‌ڕوێ بوينه‌وه‌ى ڤايرۆس كۆرۆناى تازه‌ له‌ روسيا، ئاشكراى مردن 21 نه‌خوه‌ش تويشهاتگ وه‌ ڤايرۆسه‌گه‌ كرد له‌ مۆسكۆ پايته‌خت له‌ ماوه‌ى 24 سه‌عات گوزه‌يشت.

 

باره‌گاگه‌ له‌ به‌ياننامه‌يگ ك له‌لايه‌ن ئاژانس هه‌واڵه‌يل(سپوتنيك)رووسى بڵاو كريا، وت: گشت حاڵه‌ته‌يل مردن نه‌خوه‌شيه‌يل وه‌ركه‌فته‌ داشتنه‌، باس له‌وه‌يش كرد 21 نه‌خوه‌ش له‌ مۆسكۆ مردنه‌و ته‌شخيس كريانه‌ ك گشتيان تويش ڤايرۆس كۆرۆنا بوينه‌و له‌ناونى ئه‌و حاڵه‌ته‌يليشه‌ نه‌خوه‌شه‌يليگ بوينه‌ زويتر نه‌خوه‌شى دريژخايه‌ن داشتنه‌ جوور نه‌خوه‌شى دڵ و شه‌كه‌ر و فشار خوين.

 

هه‌ر له‌و باوه‌تيشه‌و، دۆناڵد تره‌مپ سه‌رۆك ئه‌مريكايش زويتر وت: چشته‌يل ئه‌ڵڵاجه‌وييگ روێ ئه‌ياد له‌باره‌ى بنه‌ڕه‌ت ڤايرۆس كۆرۆناى تازه‌، له‌وه‌ختيگ ك شماره‌ى حاڵه‌ته‌يل مردن له‌ وڵاته‌يل يه‌كگرتگ ره‌سيه‌سه‌ نزيكه‌ى 34 هه‌زار كه‌س.

Shafaq Live
Shafaq Live