روسيا بويه هووكار داوه‌زين نرخ نه‌فت
شه‌فه‌ق نيوز/ نرخه‌يل نه‌فت له مامڵه‌يل ئاسيايى داوه‌زينگ وه‌خوه‌يه‌و دى و ده‌س له بڕيگ له‌و ده‌سكه‌فته‌يله هه‌ڵگرت ك وه‌ده‌س هاورده‌ى له دانيشتن مامڵه‌ى وه‌رينى وه نگه‌رانى وه‌رده‌واميگه‌و له‌باره‌ى ئاست پابه‌ندبوين روسيا وه ريككه‌فتن جه‌هانى ئه‌را داوه‌زانن به‌رهه‌م نه‌فتى.
له ئاماره‌يليگ ك هه‌فته‌ى گوزه‌يشت بڵاو بوى به‌رهه‌م روسيا له‌نه‌فت له‌تى ئاڵشت نه‌وى له ماوه‌ى مانگ شوبات له‌ئاست ئه‌و 11،11 مليۆن به‌رميل رووژانه‌يه، ك يه‌يش بويه هووكار گومان له جموجويل روسيا له مه‌سه‌له‌ى به‌رهه‌مه‌يلى له چوارچيوه‌ى ئه‌و ريككه‌فتنه وه‌ل به‌رهه‌مهاوه‌ره‌يل نه‌فت له ساڵ گوزه‌يشت.
جى باسه، نرخه‌يل نه‌فت ئاجل خام ئه‌مريكى ك ناسرياگه وه خام خوه‌رئاواى تكساس 19 سه‌نت داوه‌زى ك ئه‌كاده 0،3 له‌سه‌د ئه‌را 53،14 دۆلار و خام برنتيش 13 سه‌نت داوه‌زى و ره‌سيه 55،77 دۆلار ئه‌را هه‌ر به‌رميليگ.
