روسيا باشوور سوريا بوردمان كرد و واشنتۆن ده‌خاڵه‌ت ناكا
شه‌فه‌ق نيوز/ واشنتۆن ئاگادار فه‌سيله‌يل سه‌ره‌كى ئۆپۆزسيۆن سوورى كرد ك خواسته پشتگيرى سه‌ربازى وه‌ده‌س بارن ئه‌را روێ وه‌ڕوێ بونه‌وه‌ى هه‌ر په‌لاماريگ گه‌وراى هيزه‌يل حكومى له‌وه‌ر هاوردنه‌وه‌ى ئه‌و ناوچه‌يله ك هانه ژير ده‌سڵات جه‌نگاوه‌ره‌يل ئۆپۆزسيۆن له باشوور سورياو هاوشان ئوردن و به‌رزايه‌يل جۆلان.
روێته‌رز له‌ى باوه‌ته‌و وت: واشنتۆن ئاگادار فه‌سيله‌يل سه‌ره‌كى ئۆپۆزسيۆن سوورى كردگه ده‌سميه‌ت وه‌ده‌س بارن و مقه‌يه‌ت له بڕياره‌يل خوه‌دان بوون له باشوور سورياو يه‌يش يه‌كه‌م جاره له‌وه‌ختيگه‌و ئاگربه‌س كرياگه له‌ى ناوچه گرژى بكه‌فێده‌و.
جى باسه، روسيا ده‌سكرده‌سه بوردمانكردن ناوچه‌يل ژير ده‌سڵات فه‌سيله‌يل چه‌كدار ئۆپۆزسيۆن و واشنتۆنيش تائيسه هويچ ده‌خاڵه‌تيگ ناكاو چه‌ودێر سوورييش ئه‌را مافه‌يل ئاده‌ميزاد ئاماژه وه ئه‌وه كرد روسيا په‌لاماره‌يليگ ئاسمانى گه‌ورا ئه‌را بان چه‌ن شاريگ له ريف درعا ئه‌نجام داگه ك ئه‌را يه‌كه‌مجاره له‌وه‌ختيگه‌و ئاگربه‌س كرياگه له باشوور سوورى.
