روانگەی سوری: لەوەخت رمیان ئەسەد تا ئیسە ئیسرائیل نزیکەی 250 پلامار ئاسمانی ئەنجامداگە
2024-12-10T07:24:00+00:00
شەفەق نیوز/ روانگەی سوری ئەرا ماف مرۆڤ، ئمڕوو سێشەممە، راگەیان، سوپای ئیسرائیل لە وەخت رمیان سەرۆک سوریا بەشار ئەسەد وەرجە دوو رووژ تا ئیسە نزیکەی 250پەلامارداین ئاسمانی جیاواز لە سەرانسەر سوریا ئەنجامدانە "گرنگترین شوین سەربازی" لە وڵاتەگە لەناودایە.
روانگەگە وت "ئیسرائیل نزیکەی 250 پەلامار ئاسمانی وەبان زەوی سوریا ئەنجامدایە" لە شەوەکی رووژ یەکشەممەو لە ئەنجام گرنگترین شوینە سەربازیەیل ویرانکردیە".
ئاشکرایکرد، پەلاماردانەیل فرەیگ لە پارێزگایەیل گردیەسەو وەبان"فرۆکەخانەیل و ئەممارەیل و رادارەیل و ویستگەیل هێمایەیل سەربازی و ئەممارەیل چەک و ناوەندەیل لێکۆڵینەوەیل زانستی و سیستەم وەرگیری ئاسمانی گردیەسەو وەگەرد وەرگیری ئاسمانی و کەشتیەیل سەربازی لە بەندەر لازقیە کە کەفێدە باکوور خوەرئاوای وڵاتەگە.
