رویوەڕویبوین سەختیگ ناوەین مووشەکەیل ئیران و نواگیریکەرەیل ئیسرائیل

شەفەق نيوز/ میدیایەیل ئیسرائیل، دویای نیمەشەو سێشەممە، خەوەردان کە ئیسرائیل کەفێدە وەر بڕ فراوانیگ لە مووشەکەیل ئیران، کە شارەیل تەل ئەبیب و حەیفا کردنە ئامانج، لە یەکیگ لە پەلامارە سەختەیل لە ماوەی دوو رووژ لەلای کەمەو.

 میدیایەیل وتنیش؛ زیاتر لە بیست مووشەک لە چەن شوینیگەو وەشیان، و سیستم نواگیریکردن ئاسمانی وەگەرد بڕیگ لەلییان لە ئاسمان تەل ئەبیب یەکانگیرەو بوین.

 وتیش: خەوەرەیل سەرتایی باس کەن کە یەک یا دوو مووشەک کەفتنەسە شوینەیلیگ لە ناوڕاس ئیسرائیل وەبی دیاریکردن شوینەگەی یا بڕ زەرەدەیل.

وەرەو باکوور لە شار حەیفا، سەرچەوەیلیگ ناوخوەیی وتن: رممەیل تونیگ وەگەرد وەکارخستن فیکەی هوشداری لە چەن گەڕەکیگ بویە، و دەسەڵاتەیل وەکوتپڕ باس زەخمداری و زەرەدەیل نەکردن.