رممەی دڵتەزنیگ لە کوردستان ئیران و دەسەڵاتەیل ئویشن: خوەمان تەقەمەنی کوینە لەناودایمنە
2023-02-20T13:29:52+00:00
شەفەق نیوز/ رممەی دڵتەزنیگ لە پارێزگای کوردستان خوەرئاوای ئیران، ئمڕوو دووشەممە، رەسیە گووش مەردم، لە وەختیگ وەرپرسیگ ناوخوەیی وت: ئەو رممە لە ئەنجام لەناوداین تەقەمەنی کوینە بویە.
سایتەیل خەوەری ئیران وتن: دەنگ رممەی قایمیگ لە شار سنەندەج رەسیە گووش.
ماڵپەڕ سەحام نیوز لە زوان سەرچەوەیلیگ ناوخوەیی لە شار سنەندەج وت: دەنگ رممەی دڵتەزنیگ لە شار سنەندەج ژنەفیا، و دەنگەگە پەنجرەی ماڵەیل لەرزان، و زیڕە خستە ناو مەردمەگە.
پارچە ڤیدیۆیگ نشان هەڵسیان دویکەڵ لە شوین رویداوەگە نشان دا.
لەلای خوەییش، عەبد عەلی ئەسفەندیاری جیگر پارێزگار شار سنەندەج وت: لەناوداین گولە و تەقەمەنی کوینە لە سەربازیل فیرقەی ٢٨ پیادەی کوردستان هوکار ئەو دەنگ رممە بویە.
ئەسفەندیاری لە چەوپیکەفتنیگ وەگەرد ئاژانس خەوەری ئیرانی "ئيرنا" وت: ئەو تەقەمەنی کوینە نیمەڕوو ئمڕوو، لە سنەندەج تەقیاوە، ک دەنگ رممەی قایمیگ لەلی دەرچگ.
وتیش: ئی دەنگ و لەرزە رخیگ نەیرێد، ک خوەی کاریگ ئاساییە لەناو سەربازگەیل.
