پەرلەمان جۆرجیا وە یاسا هاوڕەگەزبازی قەیەغەکرد
2024-06-30T10:27:41+00:00
شەفەق نیوز/ پەرلەمان جۆرجیا یاسایگ دەرکرد ئەرا بەڕەنگاربوین کۆمەڵەیل زەڕینە و سیمینە و قەیەغەکردن هاوڕەگەزبازی و هاوسەرگیرکردن وەرد هەمان رەگەز و هەمیش ئاڵشتکردا رەگەز و ئەنجامدان نەشتەرگەری وەو مەبەستە.
ئاژانس ''ڕۆیتەرز'' بڵاویکرد، پەرلەمان جۆرجیا وە فەرمی هاوڕەگەزبازیی قەیەغە کرد و وەپای یاساگە هەرچشتیگ پەیوەنی وە کۆمەڵەی زەڕینە و سیمینەو دیرێد نایاساین و یاساگە وەلایەن پارت دەسڵاتدارەیل وڵاتەگە پێشکەش پەرلەمان کریاس لە پەرلەمان وە فرەیی دەنگ پەسەن کریا.
وەپای یاساگەی پەرلەمان جۆرجیا، بەرزەوکردن ئاڵای زەڕینەوسیمینە و ئاهەنگکردن وەو مەبەستە و وتارەیل رەگەزبازی قەیەغەکرێد، و ئەو کەسەیلە خوەیان وە هاوڕەگەزباز دانەن ئەرایان نییە مناڵ هەڵبگرنە خوەیان و ئیوەتی بکەن.
