رفیان داڵگ و باوگ ئەسارەیگ یانەی لیڤەرپوول لە وڵات کۆڵۆمبیا

پۆستەگەی داواکاری گشتی لە پلاتفۆرم “x” هاتیە: “داواکاری گشتی لە رفیان داڵگ و باوگ یاریزانە کۆڵۆمبییەگە، لویس دیاز، لە ناوچەی بارانکاس لە لا گواجیرا، و لە ئەنجامەگەی، تیمیگ تایبەتمەن لە داواکاری گشتی زانست، ئەفسەرەیل لێکۆڵینەوەی تەکنیکی، و لێکۆڵەرەیل پولیس و یەکەی دژە ماددە هووشبەرەیل سوپای هاوبەش وت: ریکارەیل زویوەزی ئەرا دیاریکردن شوین ئەو کەسەیلە و دیاریکردن و پەیاکردن تاوانبارەیل جیوەجی کریەێد”.

 ئەو ماشینە دیار دەێد کە داڵگ و باوگ لویس دیاز لەناوی بوینە، و یەکیگ لەو ماتۆڕسکیلەیلە کە چەن ساعەتیگ وەرجە رفیانەگە کەفتنەسە شوینیان.  

 وەگورەی میدیایل ناوخوەیی، داڵگ و باوگ ئەو وەرزشوانە لەلایەن چەن چەکداریگ لە بەنزینخانەیگ رفیانە.

لویس فێرناندۆ دیاز مارولاندا تەمەن 26 ساڵە و هێرشبەرە لە یانەی لیڤەرپوول ئینگلیزی، وەرجە ئەوەگ لە ساڵ 2022 گریەبەسی وەرد ئی تیپە واژوو بکەێد، لە یانەی پۆرتۆی پورتوگالی بازی کردیاد.