رفیان پیاویگ لە کەمبۆدیا ئەرا فرووشتن خۊنی

 شەفەق نیوز/ دەسەڵاتەیل کەمبۆدیا سەرسام بۊن هەنای ئاشکرای باوەت رفیان پیاویگ کردن ک یە ساڵیگە بیسەروشۊنە.          

وەگورەی رووژنامەی سەن بەریتانی،  دەسەڵاتەیل کەمبۆدیا ئاشکرا کردن ک پیاویگ لەلای چەتەیگ رفیاگە، ک چەتەگە خۊنی لە بازاڕ سیا فرووشتیە.  

وەگورەی رووژنامەگە، ئەو پیاوە وەناو  "لی" کار پاسەوانی کەێد، کەفتیەسە ژیر دەس چەتەیگ و خۊنی مژینە.    

دەسەڵاتەیل وتن: ئەو پیاو ٣١ ساڵانە، ک  پارکە رفیاگە، هەر یەک مانگ جاریگ ٧٦٥ گرام خۊن لەلی بریاگە، و فرووشتنەسەی بسینەیلیگ لە کەرت تایبەت لە بازاڕ سیا.  

هەنای دەسەڵاتەیلە پیاوەگە پەیا کردن، هەردوگ دەسی پڕ زەخم بۊ، و شۊن دەرزی ئەرا خۊنکیشان لە شۊنەیلیگ لە لەشی بۊە، و هەنای شۊن دراوەدن خۊن لە باڵەیلی نەمەنیە، خۊن لە سەری دراوەدنە.